Охрид 26.01.2010

Дирекцијата за заштита и спасување од денеска во Охрид започна со активности за чистење на охридското езеро од неексплодирани убојни средства кои најмногу потекнуваат од времето пред и во текот на Првата и Втората светска војна.

Донатор на активностите е Министерството за надворешни работи на САД а покровител е Меѓународниот фонд за деминирање и помош на жртвите од мини.

Овие  активности на Дирекцијата за заштита и спасување се финална операција на повеќегодишни истражувања и превземени мерки во Охридското езеро за отстранување и уништување на неексплодирани убојни средства.  

Дирекцијата ја известува  јавноста, граѓаните на Охрид и лицата кои престојуваат во градот дека се работи за остатоци од убојни средства стари повеке десетици години а тимовите на дирекцијата заедно со стручњаците и преставниците на американскиот Стејт Департмент како и на нивното преставништво од Словенија ги превземаат сите мерки за безбедност на целата операција.

Скопје.11.01.2010                 

 Дирекцијата за заштита и спасување и Федерацијата на планинарските спортови на Македонија отвораат најширок простор за меѓусебна соработка.

Протоколот за ваземната соработка го потпишаа директорот на Дирекцијата за заштита и спасување Шабан Салиу и првиот човек на македонските планинарски спортови Јовица Угриновски.

Соработката ги предвидува сите форми на доградување и унапредување на системот на заштита и спасување преку усовршување на постојните тимови како и јакнење и натамошната техничка база во секторот на цивилната заштита, заштитата од пожари, спасувачки служби и сл.

Состојбата со поплавите во Албанија полека се нормализира. Веќе втор ден нема врнежи, а дотекот на водата од каскадата на реката Дрим што беше и главната причина за поплавите, е намален.Сепак, реката Буна и понатаму претставува закана за градот Скадар бидејќи нивото на водата е на критично ниво. Скадар го посети и владина делегација од Македонија на чело со вицепремиерот Абдулаким Адеми. Тој придружуван од албанскиот амбасадор во Скопје, Арбен Чејку, беше пречекан од неговиот колега заменик премиерот на Албанија, Илир Мета. Заедно ги посетија погодените подрачја, а се сретнаа и со спасувачките екипи од Македонија.

„Се наоѓаме овде да им дадеме морална поддршка на нашиот тим во Скадар, и да им дадеме поттик да ја продолжат мисијата за која и се испратени од Владата, се надевам дека набргу ситуацијата ќе биде подобрена“, изјави Абдулаким Адеми, потпретседател на Влада.

„Дојдов да им се заблагодарам на сите припадници на тимот од Македонија, кои работеа и продолжуваат да работат многу напорно овие денови, ова е голема солидарност од владата на Македонија и високо го цениме тоа што овие луѓе го прават за градот Скадар“, вели Илир Мета, потпретседател на владата на Албанија.

Скопје 14.01.2010

Дирекцијата за заштита и спасување пред и за време на новогодишните празници преку своите инспектори спроведе засилено инспектирање на објектите кои според дејноста, ги посетуваат поголем број граѓани. Тоа се пред се дискотеки , хотели, мотели и ресторани. Само во Скопје и скопските општини инспектирани се повеќе од 120 објекти а кај поголемиот дел од нив констатирани се недостатоци, според Законот за заштита и спасување, најмногу во делот за заштита од пожари. Поголемиот дел од инспектираните објекти спротивно на Законот немаат изготвено правилници и елаборати за противпожарна заштита, немаат заштита на електричните инсталации а техничките системи за заштита од пожари се нецелосни или со дефекти. Кај фирмите и објектите кои имаат повеќе од сто вработени ретко се спроведува законската обврска да имаат професионално обучено оделение за заштита од пожари.

Скадар 12.01.2010

Специјалните тимови на Дирекцијата за заштита и спасување кои учествуваат во евакуацијата и спаувањето од катастрофалните поплави во Албанија денеска започнаа со испумпување на водата од квартовите на Скадар каде водата се повлекла.

Според заменик – директорот на Дирекцијата за заштита и спасување, Екрем Зендели, кој раководи со операцииите, соработката на специјалните тимови на Дирекцијата за заштита и спасување со албанските државни органи е одлична а сите членови на македонските тимови се во одлична состојба.

Според одлуката на Владата на Република Македонија тимовите на Дирекцијата за заштита и спасување е планирано да останат до петок, но, доколку се укаже потреба и доколку Владата донесе Решение за продолжување на акцијата, македонските тимови во санирањето на поплавите во Албанија ќе продолжат

Скадар.11.01.2010

Специјалните тимови на Дирекцијата за заштита и спасување од синоќа се активно вклучени во акциите за спасување и евакуација во катастрофалните поплави во Албанија. Денеска се спроведуваат акции за евакуација и снабдување на населението во регионот на Скадар каде се загрозени околу 15 илјади лица. Акциите се состојат во евакуација на населението со чамци и нивно згрижување во шатори. Како преставник на Владата на Република Македонија денеска во Албанија ке пристигне и Директорот на Дирекцијата за заштита и спасување, Шабан Салиу кој во координација со албанската Дирекција за планирање и координација на цивилни вонредни состојби ќе ја договори натамошната помош од страна на Македонија.