Во услови кога бројот на катастрофи на глобално ниво расте а последиците предизвикани зад себе оставаат човечки жртви и огромни материјални штети, соработката меѓу државите веќе не е потреба, тоа денес е неопходно. Во таа смисла поврзувањето на државите денес се одвива на неколку нивоа и преку широк спектар на активности.
Со потпишувањето на билатералните договори, активното учество во регионалните иницијативи и соработката со водечките меѓународни организации, Република Македонија пред се активно работи за зајакнување на националниот систем за заштита и спасување на населението и материјалните добра од природни непогоди и други несреќи и дава свој придонес за поголема интероперабилност на регионот и пошироко
Дирекцијата за заштита и спасување е носител на меѓународните активности на Република Македониjа поврзани со заштитата од природни непогоди и други несреќи.
Основната цел и предмет на меѓународните договори во делот на заштитата и спасувањето е формирање на правна рамка за воспоставување на соработка во делот на превенцијата, подготвеноста, давањето и приемот на помош и отстранување на последиците предизвикани од големи катастрофи. Дополнително со билатералните договори се дава можност за размена на знаења и искуства, учество во заеднички проекти, организација на курсеви, семинари и вежби и поттикнување на развој на материјално-технички средства и опрема.
Потпишаните билатерални договори подлежат на процес на ратификација после што стануваат дел од правниот систем на Република Македонија.
До сега Република Македонија има потпишано билатерални договори со следниве држави:
Во тек се преговорите со Бугарија, Србија и Италија за утврдување на конечна верзија на текстот на договорот и нивно потпишување.
На 16.09.2010 година во Скопје потпишан е Меморандум за разбирање за соработка во делот на цивилната заштита со Данската агенција за управување со вонредни ситуации. Со овој Меморандум се отпочнува неколку годишен проект кој треба да резултира во зајакнување на капацитетите на Дирекцијата за заштита и спасување пред се во делот на изведување на обуката на силите за заштита и спасување но и зајакнување на капцитетите за планирање и одговор при природни непогоди и други несреќи
Билатерална соработка се реализира и со други држави со кои Република Македонија нема потпишано билатерален договор преку различни програми и проекти.
Овој вид на соработка се реализира преку учество на Република Македонија во неколку регионални иницијативи
Иницијатива за подготвеност и превенција од катастрофи за Југоисточна Европа (DPPI SEE)
Иницијативата за подготвеност и превенција од катастрофи за Југоисточна Европа произлезе од Третата работна маса на Пактот за стабилност на Југоисточна Европа. Како резултат на трансформацијата на Пактот за стабилност во денешниот Регионален Совет за Соработка и се понагласената потреба за потенцирање на значењето на Иницијативата за подготвеност и превенција од катастрофи, на состанокот одржан во Загреб во септември 2007 година, 8 држави(Албанија, Бугарија, Црна Гора, Македонија, Молдавија, Романија, Словенија и Хрватска) го потпишаа Меморандумот за разбирање за институционалната рамка на Иницијативата за подготвеност и превенција од катастрофи(DPPI SEE), со што се воспостави рамакта за правата и обврските на државите потписнички во рамки на Иницијативата.Во декември 2009 година Собранието на Република Македонија го ратификуваше Меморандумот за разбирање и денес тој е дел од правниот систем на Република Македонија.
Денес Иницијативата има 13 држави членки, а партнери се меѓународни организации како ОН, НАТО, ЕУ, Агенцијата за развој од Швајцарија, Данската агенција за управување со вонредни ситуации и други релевантни меѓународни организации и институции. Согласно Меморандумот, водечка улога во работата на Иницијативата има Претседавачот со истата. Мандатот на Претседавачот е една календарска година по што следи примопредавање по однапред предвидена процедура. Задачата на Претседавачот е да врши надзор над сите активности во рамките на Иницијативата, да ги организира редовните состаноци, да лобира за средства за имплементација на проекти, да ја претставува Иницијативата и да реализира меѓународна соработка со останати меѓународни организации и релевантни институции. Република Македонија имаше чест да претседава со Иницијативата во 2009 година кога се реализираа следниве активности:
Во рамките на Иницијативата во тек е реализацијата на неколку регионални проекти, и тоа:
Совет за цивилно-воено планирање во вонредни ситуации за Југоисточна Европа (CMEP SEE)
Советот за Цивилно воено планирање на земјите од Југоисточна Европа(ЦМЕП ЈИЕ) е формиран со потпишување на Договор во април 2001 во Софија, Република Бугарија. Договорот од страна на Република Македонија го потпиша Душан Ѓорѓиевски помошник на Министерот за одбрана-Раководител на Сектор за цивилна заштита, со полномошно издадено од Владата на Република Македонија. Истиот Договор е ретификуван од Собранието на Република Македонија и објавен во Службен весник на РМ бр.70/2004 година.Договорот предвидува формирање на правна рамка, неопходна за непосредно и ефиксано планирање и координација на достапните ресурси за интервенција и помош при катастрофи.
Во рамките на Советот на ЦМЕП за ЈИЕ функционираат неколку работни групи:
Дирекцијата за заштита и спасување како носител на активностите во рамките на единствениот систем за заштита и спасување од природни катастрофи и други несреќи, активно учествува во работата на Советот на ЦМЕП за ЈИЕ. Во 2005 година Дирекцијата за заштита и спасување беше претседавач со оваа иницијатива и организатор на компјутерски-асистирана вежба одржана во Охрид од 29.08.2005 до 01.09.2005. Основна цел на вежбата беше да се увежбуваат процедурите и можностите на Советот на ЦМЕП и на НАТО за понуда и прием на помош при природни катастрофи. Сценариото на вежбата разработуаваше земјотрес во Скопје со оштетување на брана Матка поради што е активиран Главниот штаб на Дирекцијата за заштита и спасување заради справување со последиците од настанот. Сите решенија донесувани од Главниот штаб на Дирекцијата за заштита и спасување беа во координација со земјите од регионот како членки на Советот на ЦМЕП и НАТО преку Евроатланскиот координативен центар за справување со катастрофи.
Дирекцијата за заштита и спасување во периодот 2005-2010 година, активно работеше на ЦМЕП Упатството кое претставува практична алатка во процесот на барање и понуда на помош преку формулирање на стандардни оперативни процедури за таа намена. Преку работните групи за планирање, стандардни оперативни процедури и вежби, групата за информатичка технологија и групата за јавно информирање, во континуитет се работеше на зајакнување на националните и регионалните капацитети за справување со природни катастрофи и други несреќи во рамките на Советот на ЦМЕП за ЈИЕ.
Во 2009 година, Дирекцијата за заштита и спасување, во рамките на ЦМЕП беше повторно организатор на компјутерски асистирана вежба. На ЦМЕП-ТТХ 08, присуствуваа вкупно 97 учесници.Од нив 49 беа претставници на национални институции од РМ а 48 беа од странство и претставници на меѓународни организации во РМ(ООН и НАТО).Од поканетите земји на вежбата имаше претставници од Албанија, Бугарија, Босна и Херцеговина, Србија, Турција, Украина, Хрватска и Црна Гора.Националните институции беа претставени преку Министерството за одбрана, АРМ, Министерството за внатрешни работи, Министерството за надворешни работи, Министерството за транспорт и врски, Министерството за здравство, Министерството за образование, Министерството за животна средина и просторно планирање, Центарот за управување со кризи, УХМР, ИЗИИС, Црвен Крст, АД „ОХИС", ППБ на Град Скопје. Вежбата од страна на Инжинерискиот корпус на Армијата на САД беше оценета како исклучително успешна.
