Со мотото "споделување на границите, растејќи поблиску" на ден 12ти октомври 2018 год. во Дојран ќе се одбележи Европскиот ден на соработката. Главната цел на Европскиот ден на соработката е подигнување на свеста кaј граѓаните за Европската територијална соработка. Настанот во нашата држава се одржува за запознавање со територијалнта соработка помеѓу Република Македонија и Грција поддржана од страна на ЕУ преку ИПА проектите. По тој повод претставници од Дирекцијата за заштита и спасување организираа настан на кој се запознаа со целите и задачите на проектот „Безбеден прекуграничен превоз на опасни материи - Осиромашени радиоактивни извори“. Овој настан претставува дел од повикот за проекти ИПА ЦБЦ Програма „Грција - Република Македонија 2014 - 2020“ (IPA CBC Programme „Greece - The former Yugoslav Republic of Macedonia 2014 - 2020“), на кој Дирекцијата заедно со Машинскиот Факултет и Инженерската Комора на Р.М. учествува во изработката и имплементацијата на проектот „Безбеден прекуграничен превоз на опасни материи“ (“Safe Cross-Border Transportation of Hazardous Materials: Orphan Radioactive Sources”, acronym: “STRASS”) со бр. CN1 – SO2.1 – SC006 од 11.12.2017 год.